TEMA 1: AS PERSOAS SOMOS SERES VIVOS

TEMA 1

AS PERSOAS SOMOS SERES VIVOS

· Os seres humanos somos mamíferos porque:

–       mamamos cando somos pequenos.

–       temos pelo na pel.

–       temos o corpo dividido en cabeza, tronco e extremidades.

· Os seres humanos diferenciámonos de outros mamíferos porque:

–       camiñamos dereitos.

–       temos un gran cerebro que nos permite falar, imaxinar, investigar, …

–       poseemos mans moi áxiles para manexar obxectos con gran precisión.

· Cada persoa é diferente das demais, por ejemplo, pola estatura, cor da pel, do cabelo, etc.

· As persoas tamén nos diferenciamos segundo o sexo que pode ser masculino ou feminino.

· As persoas de sexo masculino son os homes e teñen pene e testículos.

· As persoas de sexo femenino son as mulleres e teñen vulva e mamas coas que poden dar leite aos seus bebés.

· As persoas e o resto dos seres vivos realizamos as tres funcións vitais que son a nutrición, a reprodución e a relación.

· A nutrición consiste en conseguir enerxía e materias para o noso corpo.

· Na nutrición interveñen catro aparatos: o aparato respiratorio, o aparato dixestivo, o aparato circulatorio e o aparato excretor.

· O aparato respiratorio toma osíxeno do aire e expulsa o dióxido de carbono.

· O aparato dixestivo dixire os alimentos que tomamos para extraer deles as substancias útiles.

· O aparato circulatorio move o sangue polo corpo para transportar o osíxeno e as substancias.

· O aparato excretor serve para expulsar do corpo as substancias prexudiciais.

· A función de reproducción permite ter descendentes. Facémolo grazas ao aparato reproductor feminino e masculino.

· A función de relación permite sentir cousas e reaccionar.

· Na función de relación participan os órganos dos sentidos, o sistema nervioso e o aparato locomotor.

· Os órganos dos sentidos captan o que sucede no exterior.

· O sistema nervioso procesa a información e ordea a resposta.

· O aparato locomotor permite realizar movementos.

· Temos unha boa saúde cando o corpo funciona ben e ademais sentímonos felices.

· Para ter unha boa saúde hai que evitar enfermidades e coidar o noso corpo e a nosa mente aplicando hábitos saudables.

· Algúns hábitos saudables son: alimentarse ben, facer exercicio, dormir o suficiente, coidar a hixiene, relacionarse, …

· As etapas da vida das persoas son: xestación, infancia, adolescencia, madurez e vellez.  

RECURSOS